Влатко Миладиноски е вокален Изведувач/пејач на Македонски народни,изворни и новокомпонирани авторски песни. Влатко потекнува од Кичево каде што е пораснат и каде го завршува основното образование во О.У. Кузман Јосифоски-Питу! Роден е на 28 мај 1986 година во Битола. Токму во Битола го завршува средното Музичко училиште.

Свири на неколку инструменти како Пијано,Тамбура,Гитара итн.. Подоцна се запишува на факултетот за Музичка Уметност во Скопје, додека последната година и студиите ги завршува на Музичкиот Факултет во Штип. Влатко во музиката функционира заедно со неговиот две години постар брат, Златко Миладиноски кој е магистар по музика! Златко е инструменталист на повеќе инструменти како Хармоника, Тамбура, Кавал, Пијано и многу други и е автор скоро на сите негови песни. Тие се деца на Миливој Миладиноски, одличен кавалџија и пејач и Никодинка Миладиноска од кои и го наследиле Музичкиот ген и талент.

Тие се и внуци на големиот пејач и Македонец, Војо Стојаноски кој што им беше огромна подршка во кариерата! Имаат настапено на многу места во светот повеке пати, а некои од тие се: Австралија, Канада, Швајцарија, Германија, Италија, Холандија, Словенија итн… и насекаде низ Македонијава!